Show simple item record

dc.contributor.advisorRewi, Poia
dc.contributor.advisorWilliams, Jim
dc.contributor.advisorSchaaf, Michelle
dc.contributor.authorDay, Delyn M.
dc.date.available2013-08-29T22:11:40Z
dc.date.copyright2013
dc.identifier.citationDay, D. M. (2013). A Kui mā a Koro mā: he wānanga i te momo iranga i ētahi kōrero Māori o nehe (Thesis, Doctor of Philosophy). University of Otago. Retrieved from http://hdl.handle.net/10523/4265en
dc.identifier.urihttp://hdl.handle.net/10523/4265
dc.description.abstractHe wānanga tēnei tuhinga i te iranga e whakaaturia ana i ētahi kōrero tawhito o ngā iwi Māori. E toru ngā tino ara rangahau i whakamahia hei kupenga tātari i ngā whakaaro o nehe. Ko te reo Māori te ara rangahau matua. Me tātari ngā kōrero i te reo i mātua kōrerohia kei ngaro te hononga o ngā kupu ki tō rātou taiao i te reo, kei ngaro te mārama he mea āta hanga ngā kōrero o nehe kia whakaaturia te maha o ngā kaupapa, kia kitea hoki, mā ngā kupu whakataurite e kawe ērā tini kaupapa. He ara rangahau hoki te tirotiro ki ngā kupu whakataurite e whakaatu ana i ngā whare whakaaro e pā ana ki te iranga. Ko te titiro ki te iranga tētahi ara rangahau anō, engari, te pouhere hoki mō te tuhinga katoa. Mā te reo Māori, mā ngā kōrero me ngā kupu whakataurite e pā ana ki te iranga e mārama tonu ētahi tino tirohanga Māori ki te ao nei. He kōrero noa iho tēnei tuhinga i waenga i ōku whakaaro e tūtaki ana i ērā i ngā kōrero o nehe. E puta ana i ngā kōrero Māori o nehe i pānui ai au, he kōrero e whakataurite ana, e whakapapa ana, e hono ana rānei i ngā āhua o te taiao ki te momo iranga o te tangata. Otirā, ko te taiao te tauira nui, ko te tangata te tauira iti. Kua whiriwhiria e au ētahi tauira kōrero e tutuki ana ētahi kaupapa e hāngai ana ki te rangi me te pō, arā, he kōrero orokohanga, he kōrero mō Te Marama, Te Rā me ngā whetū, he kōrero hoki mō te mate, te ora me te whakawhānau tamariki. Ki ērā kōrero, mena he rerekē tētahi mea i te ao nei, he rerekē tōna whakapapa i tērā o tētahi atu. Nā konā, ka whakamāramahia hoki i ētahi kōrero, he rerekē te kōrero wahine i te kōrero tāne, engari, he kōrero hoki ērā mō te kotahitanga i waenga i ngā mea katoa, nā te mea, nō te taiao ngā mea katoa. Ka aro atu hoki tēnei tuhinga ki ngā tauira i ētahi kōrero Māori o nehe e whakaatu ana ka whakamahia tētahi iranga hei kupu whakaahua mō tētahi atu, ahakoa wahine, ahakoa tāne, ā, he tirohanga tērā ki te mahi tahi o ētahi āhua rerekē, ki ngā mea rerekē rānei o tētahi mea kotahi. Ko tētahi tino whāinga o tēnei tuhinga ko te whakaatu i te mahi o te iranga i ngā kōrero kia āhei hoki te kōrero mō ētahi atu mea i te taiao, kia whakaaturia hoki ētahi tino kaupapa. Nō reira, ahakoa he maha ngā wā kāore e tohua ana te momo iranga i ngā kōrero Māori o nehe, ka whakamāramahia he tohu iranga mā ngā āhua rerekē ā-tinana o te tāne me te wahine. Ka taea te whakapā atu aua āhua ki te tāne me te wahine, i te mea, nō te taiao te tangata. Kāore tēnei tuhinga e whakaae ana he whakatangata te mahi nā te tirohanga Māori o nehe, engari, he āta whakamārama kē ki ngā mea e hono ana i te taiao ki te tangata. I tua i te iranga ā-tangata, ā-tinana, he kotahi tonu te iranga i te taiao. Ka tautoko tēnei tuhinga i ngā whakaaro nō nā tata nei e kī ana e hangarite ana te tirohanga ki te iratāne me te irawāhine i ngā wā o mua, ahakoa ngā whakapapa rerekē o te tāne i ērā o te wahine, engari, ko te mahi tahi te mea nui.
dc.language.isomi
dc.publisherUniversity of Otago
dc.rightsAll items in OUR Archive are provided for private study and research purposes and are protected by copyright with all rights reserved unless otherwise indicated.
dc.subjectTe Reo Māori
dc.subjectIranga
dc.titleA Kui mā a Koro mā: he wānanga i te momo iranga i ētahi kōrero Māori o nehe
dc.typeThesis
dc.date.updated2013-08-29T02:29:39Z
dc.language.rfc3066mi
thesis.degree.disciplineTe Tumu School of Māori Pacific and Indigenous Studies
thesis.degree.nameDoctor of Philosophy
thesis.degree.grantorUniversity of Otago
thesis.degree.levelDoctoral
otago.interloanyes
otago.openaccessAbstract Only
otago.evidence.presentYes
 Find in your library

Files in this item

FilesSizeFormatView

There are no files associated with this item.

This item is not available in full-text via OUR Archive.

If you would like to read this item, please apply for an inter-library loan from the University of Otago via your local library.

If you are the author of this item, please contact us if you wish to discuss making the full text publicly available.

This item appears in the following Collection(s)

Show simple item record